მოძღვრის საათისა და ფიზიკის გაკვეთილების ინტეგრირება განხორციელდა წმ. გიორგის სახელობის მე-9 კლასში თემაზე „მოძრაობა და უძრაობა მეცნიერული და ქრისტიანული მსოფლმხედველობის ფონზე“, მოძღვარი-მღვდელი ბორისი (ნიჩიპეროვიჩი), ფიზიკის მასწავლებელი-ნაზი გიგოლაშვილი. 20 დეკემბერს ჩატარებული გაკვეთილის მიზანი იყო მოძრაობის, უძრაობისა და მათი ფარდობითობის განხილვა მეცნიერული და რელიგიური თვალსაზრისით, რათა მოსწავლეებს დაენახათ მეცნიერებისა და რელიგიის ერთიანი და არა დაპირისპირებული მიდგომა აღნიშნული საკითხისადმი და ზოგადად, სამყაროში მიმდინარე პროცესებისადმი.

მოსწავლეებმა შეისწავლეს და პროექტის სახით წარმოადგინეს მეცნიერების: არისტოტელეს, გალილეის, ნიუტონის, კეპლერისა და აინშტაინის თეორიები მოძრაობისა და უძრაობის მდგომარეობის შესახებ, ამ მდგომარეობათა ფარდობითობაზე, თავად მეცნიერთა მსოფლმხედველობაზე, მოამზადეს და გამოფინეს კედლის გაზეთები.

გაკვეთილზე გაიმართა დისკუსია სამყაროს განზომილებებზე, მოძრაობაზე, დროთა კავშირზე. დისკუსიის დროს წამოჭრილ პასუხგაუცემელ კითხვებს რელიგიური თვალსაზრისით უპასუხა მამა ბორისმა და გასაგები გახადა მოსწავლეთათვის.

 

 

ა(ა)იპ ღირსი მამა გიორგი მთაწმინდელის გორის გიმნაზია
ს/კ 218082848
მისამართი: ქ. გორი, სამეფო ქ. #5
ვი-თი-ბი ბანკი ჯორჯია (გორის ფილიალი)
UGEBGE22
ანგარიშის # GE17VT0200000028483608

www.000webhost.com